छरिएर रहेको पूंजिलाई एकीकृत गर्दै “एकका लागि सबै र सबैका लागि एक” भन्ने सहकारीको मूल मर्म अनुसार गरिव तथा पिछडिएका वर्गको आर्थिक, सामाजिक, सांस्कृतिक तथा वातावरणीय विकास गरि जीवनस्तर परिबर्तन गर्दै सदस्य, समूदाय र राष्ट्रको उन्नतीका लागि स्वावलम्बी समाज निर्माण गर्न योगदान गर्दै समाजवाद उन्मूख अर्थतन्त्र निर्माण गर्ने महत्वपूर्ण प्रकृयाका रुपमा परिभाषित र प्रमाणित अन्तर्राष्ट्रिय सहकारी मूल्य, मान्यता र सिद्धान्तको ब्यबहारिक प्रयोग अपरिहार्य छ ।
यस गंगामाला सहकारी संस्थाको वृद्धि विकासमा नेतृत्व लगायत शेयर सदस्य तथा कर्मचारीहरुको ठुलो योगदान रहेको छ । फलस्वरुप संस्था दिन प्रतिदिन सफलताको शिखरमा चड्दै गरेको छ । यस संस्थाका प्रमुख बिषेशताका रुपमा एकता, सहभागिता, मितब्ययिता, लगनशिलता, पारदर्शीता, नीतिगत सर्बोच्चता र सुशासन जस्ता कुराहरुलाई कडाईका साथ अबलम्बन गरिदै आएको छ । जस्का कारण यो संस्थाले दिनानुदिन समुदायको बिश्वसनियतामा बृद्धि गर्दै अगाडि बढिरहेको छ र संस्था यस क्षेत्रकै उत्कृष्ठ र आशाको केन्द्र बन्न सफल भएको छ । अब संस्थाले प्रोवेशन ब्राण्ड समेत पाउन अन्तिम चरणमा पुगेको छ ।
मुलुकको नयां संबिधान मार्फत सहकारी क्षेत्रलाई संबोधन गर्दै राज्यको तीन खम्बे अर्थनीतिको एउटा मुख्य खम्बाको रुपमा अंगिकार गरिसकेको र नयां संबिधानको प्रश्ताबनामा उल्लेख भएअनुसार समाजबाद प्रति प्रतिबद्ध भै समृद्ध राष्ट्र निर्माण गर्ने लक्ष अन्तरगत हाल सहकारी संस्थालाई समाजवादी ब्यबस्थाको भूर्णका रुपमा स्वीकार गर्न थालिएको छ । त्यसैले अब सहकारी संस्थाहरुले उद्योग ब्यबसायको स्थापना गर्ने र उत्पादनमा जोड दिनुपर्ने देखिन्छ । अबका दिनहरुमा सहकारी संस्थाहरुको संख्यात्कम विकास मात्र भन्दा गुणात्मक विकासमा जोड दिनुपर्ने आबश्यकता भैसकेको छ । नयां संबिधानले स्थानिय तहलाई सहकारीको विकास र प्रबद्र्धन गर्न बिशेष अधिकार दिएकाले स्थानिय तहले बिज्ञहरुको रायपरामर्शमा स्थानिय नीति तथा ऐन, कानुनको व्यवस्था गरि सहकारीको गुणात्मक विकास गर्न अझ महत्वपूर्ण योगदान दिनसक्ने देखिन्छ । जस्का कारण मुलुकले चाहेको समृद्ध नेपाल, सुखी नेपालीको चाहाना पुरा हुन सक्छ।धन्यवाद!

यज्ञप्रसाद ढकाल
अध्यक्ष
गंगामाला सहकारी संस्था लि.